Nabanggit ko na sa aking mga lumang blogs na hindi talaga ako mahilig lumabas ng aming tahanan. Ang mundo ko ay umiikot lang sa bahay, trabaho at simbahan. Paulit-ulit depende sa araw.

Habang nag-iisip sa isusulat sa paboritong pasyalan, napag pasiyahan ko na lamang na ibahagi ang isa sa mga hindi ko malilimutang biyahe palabas nang Maynila.

Mayroon nang nalulutong team building noon pa ang aming team sa trabaho ngunit hindi parin mapag desisyunan kung saan ba talaga kami tutungo. Pansol ang naisip nang iba o kaya naman ay kumain sa labas nalang ngunit dahil narin sa medyo nakakasawa na ang lugar na nabanggit napag pasiyahan nalang nang aming grupo na magtawid sa dagat para naman maiba.

Matapos ang aming shift ng Biyernes, sabado nang umaga sinundo kami nang van na aming sasakyan papunta ng probinsya ng Quezon. Kung sa aking pagkakatanda, inabot kami nang lima o anim na oras bago namin marating ang lugar na yaon.

Bago mo marating ang isla nang Borawan ay kailangan mo munang sumakay ng bangka. Payapa ang dagat at hindi malakas ang alon. Ang bilis nang aming sasakyan ay tama lamang para hindi kami mahilo at makapag tsismisan sa sasakyan. Malinaw at malinis rin ang tubig ngunit ito ay malalim kaya't hindi kami ganong kalikot sa aming biyahe. Habang nagbabalik tanaw, naalala ko na ang bangkang de motor ay katulad nang pangkaraniwang bangka na ginagamit sa pangingisda. Manipis at makipot na kung malakas ang magiging anod ay maari kaming anurin ng tubig.

Puti rin ang kanilang buhangin kaya sa aking pag-iisip na kaya siguro Borawan ang natawag sa nasabing lugar ay kinuha ang inspirasyon sa Boracay, hindi na ako nakapagtanong sa mga lokal dito dahil hindi pa naman ako content creator nang panahon na ito at isa parin akong mahiyaing tao.

Mayroong mga maaring tuluyan na inn sa ibang lugar ng Borawan ngunit napagdesisyunan ng aming grupo na i experience ang pag ca camping. Nag renta kami ng tent at iyon ay ang aming ginamit sa buong araw na pananatili namin. Nagluto, naglangoy-langoy at natulog na kami nang sumapit ang dilim.

Mayroon namang kuryente sa mga kabahayan ngunit sa mismong aming pinagtigilan ay wala. Malamig naman ang hangin kaya't ayos lamang.

Dalawang araw at isang gabi lamang ang aming itinagal sa isla, dahil araw ng Lunes kami ay babalik na ulit sa trabaho. Masaya ang naging karanasan ko dahil sa unang beses akong nakaligo sa malinis na dagat. Ang Laguna de Bay ay isang lawa at napakarumi. At symore nakapag usap kahit papaano ng sa buhay kay April.