ကျောက်ဖယားမြစ်မှာ သင်္ဘောစီးမယ်

အားလုံးပဲ မင်္ဂလာပါ။

ကျွန်တော် ထိုင်းနိုင်ငံ ဘန်ကောက် မြို့ကို ဒီလ ၉ ရက်နေ့ကရောက်ရှိခဲ့ပါတယ်။ နောက်တစ်ရက် ညနေပိုင်းမှာတော့ ကျောက်ဖယားမြစ်ထဲမှာ ပြေးဆွဲတဲ့ White Orchid River Cruise အတွက် လက်မှတ် ဝယ်ထားပြီးသားမို့ သင်္ဘောစီးဖို့ Asiatique ဆိပ်ကမ်းကို သွားခဲ့ကြပါတယ်။

လက်မှတ်က Twilight (ညနေစောင်း) သင်္ဘောအတွက်ဖြစ်ပြီး ဘူဖေး အပါ ၆၉၉ ဘတ် ကျသင့်ပါတယ်။ သင်္ဘောအပြင်ဘက် ကုံးပေါ်မှာ ‌စားပွဲနေရာလိုချင်လို့ လက်မှတ်ကို online ကနေ ကြိုတင်ဝယ်ယူထားခဲ့တာပါ။

လက်မှတ် check-in ကို Asiatique ဆိပ်ကမ်းမှာ ညနေ ၄ နာရီကနေ ၄.၅၀ ကြားမှာလုပ်ရပြီး သင်္ဘောပေါ်ကို ညနေ ၅ နာရီမှာ တက်ရတာဖြစ်ပါတယ်။ ကျွန်တော်တို့ တည်းတဲ့ နေရာကနေထွက်တာ နောက်ကျလို့ ၄ နာရီ ၅၀ မိနစ်လောက်မှာတင် အချိန်မှီရုံလေး check-in လုပ်နိုင်ခဲ့ပါတယ်။ ကံကောင်းလို့ ပါ။ မဟုတ်လို့ သင်္ဘောထွက်သွားရင် လက်မှတ်ဆုံးရမှာပါ။

ဒီကျောက်ဖရား မြစ်တစ်လျှောက် ပြေးတဲ့ သင်္ဘာ အမျိုးအစား ၄ မျိုးလောက်ရှိပါတယ်။ အခြား‌သင်္ဘာတွေက ညပိုင်း (ညနေ ၆နာရီ နောက်ပိုင်း) မှ စထွက်ကြတာပါ။ လက်မှတ်စျေးတွေလဲ ပိုတာတွေ့ရပါတယ်။

ကျွန်တ်ောစီးတဲ့ သင်္ဘောကတော့ ဝက်သား မပါပဲ ထိုင်းစာနဲ့ ပင်လယ်စာ ဘူဖေးတွေပါပါတယ်။ ဘီယာကို လိုသလို ယူသောက်နိုင်ပါတယ်။ ပင်လယ်အစာအနေနဲ့ ပုဇွန် နဲ့ ဂုံးကင်တွေ အဝယူစားနိုင်ပါတယ်။

သင်္ဘောသွားတဲ့ လမ်းကြောင်းကတော့ Asiatique ကထွက်ပြီး Rama VIII တံတားလောက်ကနေ ပြန်လှည့်တာ ဖြစ်ပါတယ်။ ခရီးစဥ် ၁ နာရီနီးနီးကြာပါတယ်။ အောက်ပုံတွေကတော့ ကျွန်တော်ရိုက်ကူးထားတဲ့ပုံတွေ ဖြစ်ပါတယ်။

---

(အောက်ပုံ) Asiatique ဆိပ်ကမ်းက စထွက်ပါတယ်။

---

(အောက်ပုံ) သင်္ဘောပေါ်က ဘူဖေးပါ။

---

(အောက်ပုံ) ပင်လယ်စာကတော့ ပုဇွန်နဲ့ ဂုံးကင် နှစ်မျိုးပဲ ရပါတယ်။

---

(အောက်ပုံ) Wat Arun ကို အဝေးကနေမြင်ရတာပါ။

---

(အောက်ပုံ) သင်္ဘောပေါ်က မြင်ကွင်းပါ။

---

(အောက်ပုံ) သင်္ဘောပေါ်က ဖျော်ဖြေရေးပါ။ အဆိုကောင်းပါတယ်။

---

(အောက်ပုံ) နောက်က Rama III တံတား ဖြစ်ပါတယ်။

---

(အောက်ပုံ) ဘုရင့်နန်းတော်နေရာကို အဝေးက မြင်ရတာဖြစ်ပါတယ်။

---

(အောက်ပုံ) ကျောက်ဖရားမြစ် ရှုခင်းတစ်ခုပါ။

---

(အောက်ပုံ) ကျောက်ဖရားမြစ် ရှုခင်းတစ်ခုပါ။

ကျွန်တော်တို့ သင်္ဘောပေါ်တက်တဲ့ အချိန်မှာ နွေအခါ ညနေ ၅နာရီမို့ သင်္ဘောကုန်းပတ်ပေါ်မှာ နေပူနေသေးသယောင်ရှိပေမယ့်၊ ခဏအကြာမှာတော့ နေအရှိန်လျှော့သွားပြီး လေတစ်ဖြူးဖြူးနဲ့ နေလို့ ကောင်းသွားပါတယ်။

သတိထားရမှာက သင်္ဘောပေါ်တက်ဖို့ ဆိပ်ကမ်းကို ကြိုတင်ရောက်ထားသင့်တယ်ဆိုတာပါပဲ။ ဘန်ကောက်မှာ ကားပိတ် တတ်တာမို့ ကြိုတင်သွားဖို့တော့လိုပါတယ်။ ကြိုတင်ရောက်ရင်လဲ Asiatique ဆိပ်ကမ်းမှာ ဓါတ်ဖမ်းနှင့်လို့ရပါတယ်။ ကျွန်တော်တို့ကတော့ အချိန်ကွက်တိလောက်ပဲ ရောက်တာမို့ ဓါတ်ပုံ များများ မရိုက်လိုက်နိုင်ပါဘူး။

လက်မှတ်ကိုတော့ https://www.click2gothailand.com/ မှာ ကြိုတင်ဝယ်ယူခဲ့တာပါ။

တခြား သင်္ဘောလက်မှတ်တွေကိုလဲ အဲဒီမှာ ဝယ်ယူနိုင်တာကို တွေ့ရပါတယ်။ သင်္ဘောကုန်းပတ်ပေါ်မှာ နေရာရဖို့ လက်မှတ်ကို ကြိုတင်ဝယ်သင့်ပါတယ်။ ကျွန်တော်တို့ စီးတဲ့ ညနေစောင်း twilight ၅နာရီ သင်္ဘာမှာတော့ လူမများပေမယ့်၊ ည dinner သင်္ဘောမှာတော့ လူများတာကို သတိထားမိပါတယ်။

ခရီးစဥ်ကတော့ ဘူဖေးကျွေးတာမို့ များများစားနိုင်လေ စျေးတန်လေလို့ ပြောရမှာ ဖြစ်ပါတယ်။ ကျောက်ဖယားမြစ်တစ်လျှောက် ရှုခင်းတွေကလဲ သာယာလှပါတယ်။

အားလုံး ကျန်းမာချမ်းသာကြပါစေ။

@princekham
21st April 2023
Myanmar