အဆင်မပြေမှုနှင့် လောင်းကစား။

ယနေ့ခေတ်က စီးပွားရေးလုပ်ရသည်မှာ
အဆင်ပြေသူများ ရှိသလို အဆင်မပြေသူများ
ရှိသည်။ အဆင်ပြေသူကတော့ အနည်းငယ်
ရှိပေမည်။ အဆင်မပြေသူက အများသားဟု
ကျွန်တော့်အထင် မြင်မိသည်။

ဒါက ကိုယ်နဲ့နှိုင်းပြီး တွေးမိခြင်းဖြစ်သည်။
ကိုယ်တွေ ယခုထိ ဘာလုပ်၍ ဘာကိုင်ရမှန်း
မသိပေ။ ဘာမှ မလုပ်ခဲ့သူတဦးအတွက်
ဘာကနေ စလုပ်ရမည်ဆိုသည်က စဉ်းစားရင်း
အချိန်ကုန်သည်။

ဟိုဟာ လုပ်ရနိူး ဒီဟာလုပ်ရနိုး လုပ်လိုက်ရင်
အဆင်ပြေပါ့မလား။ ငြိမ်နေရင် အကောင်း
ထသွားမှ အကျိုးဆိုသလို။ ရှေ့မှာ လုပ်နေသူ
များကိုကြည့်တော့ ညည်းလိုက်တာနဲ့ အဆင်မပြေ
တာနဲ့ ခိုကြီးတွေဖြစ်နေသည်။

စလုပ်ရသည်ဆိုတော့ အစစ အရာရာ အစက
နေစတင်ရမည်။ ကိုယ်စုဆောင်ထားတာလေး
ချွေတာပြီး ထိုင်စားနေရသည်။ ထိုစုထားတာလေး
လုပ်မည်ဆိုပါက အဆင်ပြေရင် တော်သေး။
အဆင်မေပြဖြစ်သွားမှာ စိုးရိမ်မိသည်။ ခေတ်က
စွန့်စားဖို့ ခက်နေသည်။

ဒီလိုနဲ့ တဝဲလည်လည် သံသရာလည်နေသည်။
အချို့ကတော့ အဆင်မပြေသည်ကို လောင်းကစား
ဖက်ပို့သည်။ အဆင်မပြေလေ လောင်းကစား
လုပ်နေသည်။ သူရို့ကို မြင်ရ တွေ့ရတာ အဆင်
မပြေပါဘူး။ လောင်းကစားလုပ်၍ ချမ်းသာသူ
က တွေ့ရခဲပေ။

လောင်းကစားနှင့် ပတ်သက်၍ ကျုပ်အကို
စနေသား၏ စကားကို ပြန်ရေးပြပါအုံးမည်။

"လောင်းကစား ကို အပျော်သဘောသာလုပ်။
စီးပွားရေးနဲ့ မလုပ်လေနဲ့။ ကိုယ်က ပေါက်တော့
ပြုံးပျော်သည်။ မပေါက်တော့ စိတ်ဆင်းရဲသည်။
အဲ့မှာ သိထားရမှာက လောင်းကစားက
အကုသိုလ်အလုပ်ပဲ။ ကိုယ်ကပေါက်လို့
ပျော်နေချိန်။ အခြားတဖက်မှာ လောင်းကစား
ကြောင့် ဘဝပျက်သူတွေ မျက်ရည်နဲ့ မျက်ခွက်
ဖြစ်နေမှာကို တွေးမိရင် စိတ်ဆင်းရဲစရာကြီးပါ"

မှန်ပေသည်။ လောင်းကစားက စီပွားရေး
အနေဖြင့် မပြုလုပ်သင့်၊ မပြုအပ်သော
အရာပါလေ။

@htwegyi
19-3-2023