ပျော်ပျော်ကြီး စီတန်း

ဒီနေ့တော့ ဒုတိယအကြိမ်မြောက် ထပ်မံ တန်းစီရပြန်၏။ ဒီနေ့က အလုပ်တွေက ဘာတွေ ရှုပ်လို့ ရှုပ်နေမှန်းကို မသိပေ။ အမငယ်၏ ဆိုင်ကယ်ကို ပြင်ပေးပြီး ဆီရပြီဆိုပြီး သူငယ်ချင်းက ပြောလို့ ဆီသွားတန်းစီရပြန်၏။ ဒီနေ့တော့ အကြာကြီး မစောင့်လိုက်ရပေ။ စောင့်နေရင်းကနေ ဆီတန်း တဝက်ကနေ ဖြတ်ပြီး ဆီ ထည့်ပေးပြန်၏။ အစောပိုင်းက ဆီဂေါက်တခုထဲကနေပဲ ထည့်ပေးခြင်း ဖြစ်၏။ နောက်ပိုင်းမှ နောက်ထပ် ဆီပန့်တခုကနေ ထပ်ဖြည့်ပေးခြင်း ဖြစ်၏။ ကံကောင်းပြန်ပေါ့။

ပထမအကြိမ်တုန်းက 92 ကို 5000 ဖိုးသာ ရ၏။ ဒီနေ့တော့ 95 ပါရပြီ ဖြစ်၏။ ပျော်၏။ 95 ကို 10000 ဖိုး ထည့်လိုက်၏။ ဆီတိုင်ကီ အပြည့်ရ၏။ ဟိုနေ့က လက်ကျန်ဆီ 92 အနည်းငယ် ရှိသေးသည်ကိုး။ လက်ရှိ 95 ဆီဈေးက 1 L ကို 3000 ဖြစ်၏။ 3 L ပိုပိုလေးတော့ ရမည် ဖြစ်၏။ ဘာပဲပြောပြော 3,4 ရက်လောက်တော့ အဆင်ပြေသွားခဲ့ပြီ ဖြစ်၏။ နောက်ရက်တွေဆိုရင်တော့ ပြန် အဆင်ပြေပြီလို့ ပြောတာပဲ။ ပထမကြိမ် တန်းစီရတုန်းကလည်း ဆီဆိုင်က သူတွေက ထိုသို့ ပြောခဲ့သေး၏။

ဒီနေ့တော့ စာလည်း အရှည် မရေးနိုင်တော့ပေ။ သည်းခံ ပေးကြကုန်။ ဆီတန်းစီရတာရယ်၊ တခြားဟာ‌တွေ လုပ်ရတာနဲ့ပဲ ဒီနေရာမှာပဲ ဒီစာကို ရပ်လိုက်ပါတော့မည်။