Keep Moving

လက်ရှိ Telegram bot တွေ ထဲမှာ တခုကနေတော့ Reward ရဖူးခဲ့ပြီ ဖြစ်၏။ ဒါကလည်း မပြောပလောက်သည့် ပမာဏ အနည်းငယ်သာ။ ဘာပဲ ပြောပြော ရဖူးပြီဟုလို့တော့ ပြောလို့ရသွားပြီပေါ့လေ။ ခက်တာက Airdrop bot အများစုက refer, refer ဆိုသည့်အရာတွေနဲ့ဆိုတော့ ကျနော့်လို refer မရှာလိုသူ၊ မရှာတတ်သူအဖို့ အနည်းငယ် အခက်တွေ့စေ၏။ refer အများကြီး ရှိသူ၊ ရှာနိုင်သူတွေ အဖို့တော့ Telegram ကနေ ငွေရှာရတာ ပိုလွယ်၊ ပိုမြန်၊ ပိုပြီး များများရကြလေ၏။

ဘာပဲပြောပြော ကိုယ့်အထွာနဲ့ကိုယ်၊ ကိုယ့်ခြေလှမ်းနဲ့ကိုယ်ပေါ့။ လေ့လာသင်ယူ စီစစ်ရင် တကယ် ရသလား၊ မရဘူးလား ဝေဖန် စမ်းစစ်ရတာကလည်း အမောသားလား။ အမြဲတမ်း ပေးနေသည့် Telegram bot ရယ်လို့ မရှိလောက်ပေ။ ရှိရင်လည်း ရှိပေလိမ့်မည်။ ကျနော် မသိသည့် bot တွေ ဘာတွေ ဖြစ်မည် ထင်ပါ၏။

တကျော့ပြန် ခေတ်စားလာသည့် Telegram bot တွေနဲ့အတူ Online ငွေရှာနည်း Group တွေတိုင်းနီးပါးမှာ အဆိုပါ Telegram bot တွေ အကြောင်းသာ မြင်ရ၊ တွေ့ရ၊ ဖတ်နေရတော့၏။ တချို့က refer ဝယ်လို့ရသည့် ဟာမျိုး ရှိလား၊ သိလား မေးတာမျိုးတွေ အထိပင်။ တခါတလေကျ ပြန်တော့ ထိုသူတွေ အတွက် refer package ဆိုပြီး လုပ်ရောင်း ရမလား တွေးမိ၏။ Virtual refer မဟုတ်တဲ့ Real refer မျိုးတွေပေါ့။ ဘယ်နှယ်ယောက်စာဆို ဘယ်လောက်ဆိုပြီး Package တွေ ဘာတွေနဲ့ လုပ်လိုက်ရင် အဆင်ပြေလောက်၏။

လောလောဆယ်မှာတော့ Litecoin mining ကနေ တရက် 0.0001 Ltc တော့ ပုံမှန် ထုတ်ယူလို့ရနေသေး၏။ ၅ ရက်၊ ၅ ကြိမ်တော့ ရှိသွားခဲ့ပြီ။ သူ ပေးနေသလောက် ထုတ်လို့ ရသလောက်တော့ ထုတ်ယူကြည့်ပါဦးမည်။ ပမာဏ နည်းပေမယ့် တယ်ကရ မပြုသင့်သည့် အရာတွေထဲ Crypto လည်း ပါသည် မဟုတ်လား။

အရာရာ ခက်ခဲလာသည့် ကာလမှာ ရနိုးနိုးနဲ့ လုပ်ကြ ကိုင်ကြရ၏။ အရင်းအနှီး မစိုက်နိုင်သူများအဖို့ အားလပ်ချိန်လေးမှာ အပိုဝင်ငွေလေး ရလည်း မစိုးပါဘူး ဆိုသည့် သဘောနဲ့ လုပ်ကြ၏။ အချိန်တော့ ပေးရ၏။ တခါတလေ ကုန်သွားသည့် အချိန်နဲ့ ညီမျှသည့် အကျိုးအမြတ်မျိုး ရပေမယ့် တခါတလေမှာတော့ ထိုက်တန်မှု မရှိစွာ အချိန်ကုန် လူပန်းလည်း ဖြစ်တတ်၏။

Online ငွေရှာနည်းက သိသည့် အတိုင်းပင်။ လွယ်လည်း လွယ်သလို၊ ခက်လည်း ခက်၏။ သိရင်လွယ်၊ မသိရင်ခက်။ မသိသူ ကျော်သွား၊ သိသူ ဖော်စား ဆိုသလိုမျိုးပေါ့လေ။ အားလုံးပဲ Online Earning ကနေ အကျိုးအမြတ် တစုံတရာ ရယူပိုင်ဆိုင် နိုင်ကြပါစေ။