Free bitco Free claim

Freebitco.io မှာ premium member ဖြစ်ထား သဖြင့် တရက် magic wheel 3 ကြိမ် လှည့်ခွင့် ရ၏။ အစက တရက်ကို 1 ကြိမ်သာ ရ၏။ တဖြည်းဖြည်းနဲ့ ကြာလာတော့ တရက် 3 ကြိမ် ဖြစ်လာ၏။ နောက်ပိုင်းဆို တရက် 6 ကြိမ် ဖြစ်မည်ထင်၏။ ဘာလို့ဆို premium member ဖြစ်လျှင် တရက် 6 ကြိမ် magic wheel လှည့်ခွင့်ရမည်ဟု သူတို့ ကြိုတင် ပြောထားပြီး ဖြစ်၏။

တခုရှိတာက premium member ဖြစ်ဖြစ်ချင်း 6 ကြိမ်လုံး ပေးခြင်း မဟုတ်ပေ။ တဖြည်းဖြည်းနဲ့သာ တိုးပေးခြင်း ဖြစ်၏။ တရက် 3 ကြိမ်ကို လှည့်ဖို့ အတွက် 48 နာရီ အချိန်ပေးထား၏။ ထိုသို့ အချိန် များများပေးထားတော့ ကျနော့် အတွက် အဆင်ပြေ၏။ တခါတလေဆို တရက်စာ တရက် မလှည့်ဖြစ်တာမျိုးတွေက ရှိသေးတာကိုး။ ထိုသို့ မေ့သွားလျှင် နောက်ရက်မှ ပေါင်း လှည့်တော့ 6 ကြိမ် လှည့်ခွင့် ဖြစ်သွား၏။

ဘာလေးများ ပေါက်မလဲဆိုပြီး ရင်ခုန်ကြည့်ချင်သည့် အခါမျိုးဆို 1 ကြိမ်စီ လိုက်လှည့်လေ့ ရှိပြီး တခါတလေ ပျင်းနေသည့်အခါမျိုးဆိုလျှင်တော့ 6 ကြိမ်လုံး တခါတည်း တကြိမ်ထဲ လှည့်ပလိုက်၏။ ဘယ်အကြိမ်က ဘာရယ်တယ်ဆိုပြီး သူက list လေးနဲ့ ပြပေး၏။ မဆိုးပါဘူး။ Satoshi လေးတော့ ပုံမှန်ပေါက်လေ့ ရှိ၏။

ခုတလော btc စျေးက ကျနေတော့ တနာရီ တခါ free claim လို့ ရသည့် amount က ယခင် ထက် ပိုတိုးထားပေး၏။ ယခင် btc စျေးကောင်းနေတုန်းက 5 Satoshi လောက်သာပေး၏။ ခုက 10 Satoshi ပေး၏။ ဟိုးယခင် Satoshi ရာနဲ့ချီပေးသည့် အချိန်တွေကို ပြန်လွမ်းမိ၏။ အဲ့တုန်းကသာ တနာရီ တခါ ပုံမှန်လေး ဝင် claim ခဲ့လျှင် ခုချိန်ဆို ...။

ခုလည်း သူ့ဟာနဲ့သူတော့ ဟုတ်နေပါ၏။ နည်းပေမယ့် နေ့စဥ် အချိန်မှန်တော့ ဝင် claim ဖြစ်၏။ magic wheel ကတော့ နှစ်ရက် တခါမှသာ ပေါင်းလှည့် ဖြစ်၏။ Crypto ဆိုသည့် အမျိုးက သေးတယ် နည်းတယ်ဆိုပြီး တယ်ကရ လုပ်လို့ မရ။ တပဲ ပဲဖြစ်ဖြစ် တပြား ပဲဖြစ်ဖြစ် ရသလောက် စုထားရပေမည်။ လက်ရှိ လုပ်နေတာတွေ အားလုံးက တချိန် အတွက်တွေပဲ မလား။